Os gañadores e gañadoras do XII Festival de Cans

O xurado da duodécima edición do Festival de Cans, formado por Sandra Sánchez, Antonio Mourelos, Avelino González, Nerea Barros, Mercedes Peón, Enrique Otero e Fran P. Lorenzo, acordou, despois do visionado das curtametraxes a concurso e da deliberación, outorgar os seguintes premios:

  • Premio do xurado á mellor curtametraxe, cunha dotación de 2.000 € e Can de Pedra, para Curricán, de Álvaro Gago por facer confluír nun mesmo espazo e tempo narrativo un retrato íntimo e tamén colectivo a través dun achegamento poético.
  • Premio especial do xurado dos veciños á mellor curtametraxe, dotado cun Can de Pedra, para Disney de Jorge Saavedra, por ser unha historia real e ironicamente divertida e tamén pola naturalidade da interpretación dos protagonistas da curtametraxe.
  • Premio do xurado á mellor interpretación feminina, dotado cun Can de Pedra, para Marta Larralde por Disney, por achegar naturalidade e frescura á interpretación dunha situación cotiá.
  • Premio do xurado á mellor interpretación masculina, dotado cun Can de Pedra, para Fernando González por Disney, por conseguir unha interpretación axustada e equilibrada dun personaxe aparentemente simple.
  • Premio CREA do xurado á mellor dirección, dotado con 300 € e Can de Pedra, para Carlos Martínez-Peñalver por Nocturna, pola súa capacidade de crear unha atmosfera con poucos elementos e por achegar unha mirada propia.
  • Premio AGAG do xurado ao mellor guión, dotado con 300 € e Can de Pedra, para The Fetch, de Ángeles Huerta, pola súa autenticidade e por apostar sen complexos por un humor absurdo.
  • Premio do xurado á mellor banda sonora, dotado cun Can de Pedra, para Unary de Nico Casal pola súa solidez e a súa intencionalidade narrativa.

O xurado do XII Festival de Cans quixo facer unha mención especial a M is for Melon de Luis Solarat pola súa visión transgresora da sexualidade falocéntrica contemporánea. Asimesmo, o xurado tamén quixo facer mención especial a Ula de Alejandra Sotelo pola capacidade de facer unha peza artística dende unha mirada sorprendente.

O premio do público, cunha dotación de 2.000 € e Can de Pedra, foi para Deber, de Ángel Manzano.


Concurso de clips
O xurado de videoclips, formado por Hendrik Röver, Ángel Sánchez, Tati Moyano e Juan Rivas, decidiu conceder o premio ao mellor videoclip, dotado con 300 euros e Can de Pedra, ao tema Magma y Trueno, de Guerrera, dirixido por Adrián González e Rafael Pérez, por conseguir un equilibrio perfecto entre a proposta estética e a música e por crear un ambiente cativador ao mesmo tempo que transmite a inquietante espesura da música a través dunha proposta moi arriscada pero efectiva.
O premio do público ao mellor videoclip, dotado con 300 euros e Can de Pedra, recaeu en Floating, de Mequetrefe, dirixido por Xaime Miranda Méndez.

 
Cuerda protagoniza o día grande do XII Festival de Cans

O cineasta ofrecerá hoxe sábado pola mañá o Coloquio na Leira de Alicia e colocará a súa estrela no Torreiro das Estrelas. A música encherá os camiños e corredoiras de Cans dende a mañá ata a ben chegada a noite, co concerto de Def Con Dos (Dos Tenores).

Ler máis...
 
Magma y Trueno e Floating, mellores videoclips

Magma y Trueno e Floating fixéronse cos premios do Concurso de Clips, despois dunha animada Noite Gía que contou coa actuación de Hendrik Röver, líder de Los Deltonos, e Juanjo Zamorano. O xurado dos videoclips decidiu premiar o do tema “Magma y Trueno”, de Guerrera, dirixido por Adrián González e Rafael Pérez, por conseguir un equilibrio perfecto entre a proposta estética e a música e por crear un ambiente cativador ao mesmo tempo que transmite a inquietante espesura da música a través dunha proposta moi arriscada pero efectiva. O público, pola súa banda, elixiu "Floating", de Mequetrefe, dirixido por Xaime Miranda Méndez, en dura loita con "Sonhos de raiva", de Liska!, dirixido por Paulo Bouzas Fernández.

 
«InicioAnterior12345678910SeguinteFinal»

Páxina 1 de 14
 

Twitter